संपूर्ण भारतातील ग्रामीण भागातील ग्राहकांना 300 रेनॉल्ट बुकिंग केंद्रांवर रेनॉल्टच्या उत्पादने आणि सेवांमध्ये सहज प्रवेश मिळेल

मुंबई,4 एप्रिल 2022 (GPN):- ग्रामीण भागात आपला विस्तार वाढवत, रेनॉल्ट इंडियाने सीएससी ई-गव्हर्नन्स सर्व्हिसेस इंडिया लिमिटेड (CSC-SPV) ची उपकंपनी असलेल्या सीएससी  रूरल ई-स्टोर्सच्या सहकार्याने भारतभर 300, रेनॉल्ट बुकिंग केंद्रे उघडण्याची घोषणा केली आहे.

या प्रयत्नांद्वारे, रेनॉल्ट इंडिया आणि सीएससीचे उद्दिष्ट दुर्गम भागात त्यांचा विस्तार वाढवणे आणि ग्रामीण ग्राहकांना त्यांच्या  पसंतीची रेनॉल्ट कार त्यांच्या स्वत:च्या परिसरात सहज आणि सोयीने बुक करण्याची संधी उपलब्ध करून देणे हे आहे.जवळच्या रेनॉल्ट बुकिंग केंद्रावर उपलब्ध असलेल्या QR कोड स्कॅन करून, कमीत कमी कागदपत्रांच्या औपचारिकतेसह ग्राहक आपली रेनॉल्ट कार बुक करू शकतात, ज्यामुळे ग्रामीण भारताचा डिजिटल समावेश प्रत्यक्षात येईल. सीएससी चे देशव्यापी नेटवर्क आणि डिजिटल सेवा देशातील दुर्गम भागांसह ग्रामीण भागात रेनॉल्ट इंडियाची पोहोच आणखी मजबूत करतील.

रेनॉल्ट बुकिंग केंद्रे ग्राहक माहिती केंद्र म्हणून देखील काम करतील, उत्पादनाशी संबंधित सर्व माहिती, त्याची वैशिष्ट्ये, किंमत श्रेणी, वित्त योजना आणि त्या वेळी लागू असलेल्या ऑफर प्रदान करतील. सुरळीत ग्रामीण ई-कॉमर्स सुलभ करण्यासाठी, ही बुकिंग केंद्रे उच्च प्रशिक्षित ग्रामस्तरीय उद्योजक (VLEs) सर्व आर्थिक आणि उत्पादनांशी संबंधित प्रश्नांची पूर्तता करतात आणि ग्रामीण भागातील ग्राहकांना एकाच छताखाली विक्री करण्यास सक्षम करतात.